04 فبراير 2020 1166 0  

مفيش شك ان تحديد الاهداف ضروري للسعي وراء الانجازات والتطور في كل جوانب الحياة ، لنها بتحدد خريطه لنجاحك وبتساعدكعلي التركيز ، الاهداف بتشجعك ولما بتتحقق بتحفزك اكتر علي النجاح في شغلك .

عشان تحققي اهدافك العمليه لازم تحدديهم الاول وبعدين تعملي خطه لتحقيقهم عشان نساعدك في خطتك ، وجمعنالك اهم النصايح الي هتفرق في حياتك العملية:

1- حددي اهدافك العملية :

عشان تحققي اهدافك لازم الاول تقرري انتي عايزه ايه وتحددي طبيعة الاهداف دي ، بس وانتي بتقرري خدي بالك ان الاهداف العملية لازم تكون محددة ، ليها مدة زمنيه كافية ، وقابلة للتحقيق .

2- اسعي ورا اهدافك بجدية:

فكري في كل حاجه محتاجة تعمليها عشان توصلي ، استخدمي كل مهاراتك ومصادرك ، حللي كل الطرق المتاحة الي هتوصلك لاهدافك وحافظي علي حماسك وشغفك .

3- اعملي خطط لتحقيق اهدافك:

التخطيط مرحلة مهمة جدا في رحلة تحقيق الاهداف ، لازم تكوني محددة ودارسة كل التفاصيل عشان توصلي بسهولة . كبداية حاولي تحددي 5 خطوات عملية لتحقيق اهدافك .

4- حددي to-do list يومية :

ده هيساعدك تحافظي علي يومك منتظم عشان تعرفي تنجزي بصي علي الليست في بداية كل يوم ممل ووجهي مجهودك لتحقيق المهام الي في اللسته بتاعتك .

5- قيمي ادائك بشكل دوري :

ديما قيمي ادائك وشوفي كنتي فين وبقيتي فين ، ده هيساعدك تفضلي في السكة الصح.

6- شبكة العلاقات:

ضروري تبني شبكة علاقات قوية تدعمك في مجالك. كل شخص بيفتح باب لاحتمالات كتير. كل ما دايرة علاقاتك كبرت، كل ما زادت فرصك في النجاح.

7- ركزي علي مهاراتك:

حطي تركيزك في الحاجات اللي انتي بتعرفي تعمليها و اشتغلي علي تطوير باقي المهارات اللي انتي محتاجاها لتحقيق اهدافك. و شغلي معاكي ناس تعمل الحاجات اللي انتي مش بتعرفي تعمليها.

8- استعدي دايما للغير متوقع:

عشان تبقي سيدة اعمال ناجحة لازم تبقي جاهزة لاي موقف ممكن يواجهك. بالطريقة دي اي عائق هيبقي فرصة جديدة للنجاح.

9- طوري اهدافك:

كسيدة اعمال دايما هتحتاجي تطوري من اهدافك عشان تواكبي التطورات اللي دايما بتحصل حواليكي و تفضلي علي علم بكل حاجة تخص مجالك.

10- احتفلي بنجاحاتك:

بعد تحقيق كل هدف لازم تحتفلي بنجاحك. ده هيديكي دفعة تشجعك تكملي باقي مشوارك و تتعبي اكتر عشان توصلي.