11 مارس 2020 3111 0  

تخيلي لو لقيتي طريقة تحلي بيها مشاكلك؟

تخيلي لو كان عندك حد حابب يسمعك ويساعدك في أي حاجة محتاجاها؟

صحيح كلنا عندنا أهل وأصحاب مقربين وكمان شريك حياة  ممكن دايما نلجألهم ونتكلم معاهم،بس ساعات برضه بنحتاج نفضفض مع حد من غير ما نحس بالذنب أو الخجل،او الخوف من اننا نتشاف او نتفهم غلط.

وساعات كمان ممكن نواجه مشكلة أكبر وأصعب،وبنحتاج حد عارف بالضبط يقول ايه وامتي..

"ساعات مش بتحتاج حبيب  أو صديق ولا حتي وظيفة تخليك مشغول..ساعات بتحتاج بس حد يسمعك"

موقع"7 cups" واحد من أفضل المواقع الي بتقدم الاستشاات والعلاج النفسي أونلاين، واللي بيديكي الفرصة وتتكلمي عن مشاكلك وتاخدي القرار الصح وكمان تفضفضي مع حد عن أي حاجة في أي وقت.

كل الي محتاجاه انك تدخلي علي الموقع وتحددي نوع المشكلة سواء كانت القلق ،الاكتئاب ، مشاكل انفصال ، مشاكل عائلية ،الوحدة أو اضطرابات المشاعر والأكل.أي حاجة حابة تتكلمي فيها  بحرية وفي سرية تامة،لأنك بمجرد ما تدخلي الموقع هيكون ليكي كود بدل الأسم ومش هيتطلب منك تقدمي أي معلومات شخصية الا لو انتي عاوزة.

و بمجرد ما تكلمي الخطوات دي، هتتحولي لمستمع متدرب موجود عشان يسمعك من غير ما تقلقي من اساءة استغلال معلوماتك،لأنه مفيش اصلا زرار لارسال صور او استقبال أي محتوي مسئ.

الي بيميز موقع  7 Cups هو انه كمان بيقدم كورسات مبسطة أونلاين بتأهلك انك تكوني مستمعة مدربة لو حابة انك تكوني جزء من الخدمة الجميلة دي،انك تسمعي حد متعرفيهوش..لكن محتاج مساعدتك

وافتكري ان كل صديق،كان في الاول شخص غريب عنك.

لينك الموقع "www.7cups.com"