13 أبريل 2020 2843 0  

حكايتى مع الزمان

النهاردة كنت قاعدة باسمع اغنية لوردة الجزائرية اسمها حكايتي مع الزمان...اصلي بحبها اوي رغم ان معانيها صعبة قوي بس بحسها بتعبر عن معظم الستات ومنهم انا.

بعد ما سمعتها ...جارتي كلمتني لقت صوتي مش ظريف...قالتلي مالك ..قولتلها كنت باسمع اغنية وردة.

قامت قالتلي اه بتسمعي حكايتي مع الزمان قولتلها ايوة...قامت قالت دي كانها بتوصف حياتي.

ايه ده جرى ايه للرجالة والستات كمان.

طبعا اكتشفت ان الرجالة بترسم والستات بتصدق...بالذمة ده مش نوع من العبط ..بس نعمل ايه ...عايزين نصدق وبعدين نعيط.

ياترى هايجي يوم الرجالة تبطل ترسم والستات تبطل تعيط...

اكيد يمكن يجي يوم الستات تبطل تعيط لكن مستحيل الرجالة تبطل ترسم.