13 أبريل 2020 2767 0  

ختيارة السبعين

"مالي بكلم نفسي وفي ايدي كتاب وفنجان قهوة وقاعدة زي ختيارة عمرها سبعين سنة وقاعدة وحيدة بالبيت".

المقولة دي على لسان بطلة مسلسل بتفرج عليه..فجاة نسيت متابعة المسلسل ونزلت دموعي لاني فعلا ختيارة في السبعين ومش بشوف كويس ومعنديش القدرة على الكلام بصوت ...بس انا دايماً بكلم نفسي...

بعد شوية قلت لنفسي لازم اعمل حاجة...مش معقول كل حاجة اعيط وانعي حظي ...طب اعمل ايه؟!

اه... بعرف ارقص؛ مسحت دموعي وفتحت الراديو وفضلت ارقص واتنطط وانا مبسوطة اني قدرت اغير حاجة من روتيني اليومي.

خلصت الموسيقى...ولقيت نفسي بنهج وضهري واجعني!!! ومع ذلك فضلت اضحك لاني عملت حاجة مختلفة وده المهم اني بضحك مهما كان التمن...

بس تفتكروا حعملها تاني؟؟! مش عارفة !!!