10 مارس 2020 1927 0  

كل بنت هدفها ان يكون شكلها حلو طول الوقت،ودي مش دايماً بتكون مهمة سهلة.

عشان كده جمعنالك شوية نصايح تساعدك تظهري بأحلي صوره في اقل وقت.

 

1-الجينز الواسع والبوت:

- كام مره اضطريتي متلبسيش الجينز اللي بتحبيه علي البوت اللي بتحبيه بسبب الكلكعة جوة البوت، مع النصيحه دي عمرك ما هتتجاهلي الجينز الواسع اللي بتحبيه في الشتا.

2-حمالة البرا والتيشرت:

- دايماً بتعاني من وقوع التيشرت من علي كتفك وظهور حمالة البرا؟ لو بتواجهي نفس المشكلة زيي هتفرحي بالنصيحه دي.

3-اعاده استخدام البلوفرات القديمة:

- ليه تشتري دفايات للبوت لما ممكن تعمليهم بسهوله من بلوفر قديم و احلي حاجه انك مش محتاجة أي خياطة،كل الي محتاجة تعمليه انك تقصي الأكمام.

4- الهدوم كشت؟وسعيها في ثلاث خطوات:

- كل الستات تقريباً اتعرضت لموقف ان حاجة من هدومها تكش و في الاخر اضطرت انها توزعها او تديها لعروسة البنات، لحسن الحظ لقينا حل يوسع هدومك المفضله في ٣ خطوات

 

 كل الي هتحتاجيه:

- طبق فيه مياه دافية.

- بيبي شامبو

-  2 فوطة كبيره نضيفه

- كل الي محتاجة تعمليه:

  اول خظوه : النقع

- حطي غطا كامل من شامبو الأطفال في الميه

- انقعي الهدوم اللي كشت في المياه و استخدمي ايديكي لارخاء اليافة

- ارفعي الهدوم من المياه و اعصريها بالراحه من غير ما تفكيها

تاني خطوة: الامتصاص

- افردي الهدوم علي فوطه كبيره ناشفة

- تخلصي من الرطوبه الزايده عن طريق  لف الهدوم داخل الفوطة

تالت خطوة: إعادة التشكيل

 - افردي الهدوم علي الفوطة التانية و مدديها علي الفوطة براحه لحد ما ترجع لحجمها الطبيعي و سيبيها تنشف ف الهواأ او قدام مروحة،مش محتاجة تشطفي الشامبو.

5- أسهل طريقة لتوسيع الجزمة الضيقة

- عمرك جبتي جزمة حلوة جداً لكن مش مريحة في اللبس؟

لو دي مشكلتك جبنالك اسهل طريقه توسعيها بيها شوية

كل الي هتحتاجيه:

- أكياس بلاستيك ذاتية القفل ..

- مياه

 

كل الي محتاجة تعمليه:

- املي الاكياس لنصها بالمياه و اقفليها و حطيها جوه الجزمة و دخليها الفريزر من بليل للصبح

- مع تمدد المياه  وهي بتجمد جوة الكيس، الجزمة كمان هتتمدد وتوسع