09 مارس 2020 3824 0  

او جايلك ضيوف وعاوزة تبهريهم بأطباق شكلها فاخر،بدل ما تقدمي سلطة الفاكهة المعتادة،الأفكار دي مش بس هتخلي ضيوفك مبهورين،لا دي كمان هتغري الأطفال العنيدة وتخليهم ياكلوا الاكل الصحي.وأفضل ما في الموضوع انك مش محتاجة تكوني خبيرة في المطبخ عشان تعمليهم،لأن كلها افكار سهلة جدا .

1- بوكيه الفاكهة:

الفكرة دي ممكن تبان معقدة شوية،لكنها في الحقيقة بسيطة جدا .

كل الي محتاجاه عشان تعملي البوكيه اللذيذ الغني بالالوان ده حاجات سهلة جداً،هتحتاجي فواكه قوامها متماسك زي العنب،الشمام،الكيوي،الأناناس والبطيخ.

استعملي قطاعات الكوكيز عشان تقطعي الفاكهة الكبيرة بأشكال ظريفة،واستخدمي سكينة أو مقص عشان تشكلي الأوراق.بعديها رصي الفاكهة علي عصيان خشب زي الكباب وحطيهم في الاسفنج بتاع الورد ،أو استخدمي الخس أو الكرنب المدور للقاعدة وحطيهم في طبق التقديم.

وكبديل ممكن تستخدمي مصفاة مكرونة مقلوبة وتغرزي العصيان الخشب فيها بشكل جذاب.

2- بطيخ علي شكل قلب.

دي طريقة بسيطة لكن مبهرة لتقديم البطيخ لضيوفك بشكل مختلف.

كل الي هتحتاجيه هو بطيخة ،قطاعات كوكيز علي شكل قلب،او ممكن تستخدمي اي أشكال تحبيها.

هتقطعي البطيخ لقطع متساوية ،وتقطعيها بالقطاعة عشان تعملي الاشكال الي تعجبك.

حطي القطع الي طلعت في طبق التقديم ،وحطي باقي قطعة البطيخ علي صينية أو طبق واملي الفراغات مكان التقطيع بالتوت أو العنب أو قطع صغيرة من الفاكهة الي بتحبيها.

3-فازة التفاح والورد:

ايه رأيك لو ضيفنا شوية تزيين للتفاح؟الفكرة دي مفيدة جدا وكمان شكلها جميل.بنستخدم التفاح فيها كطبق تقديم وفي نفس الوقت كقطعة ديكور.

كل الي هتحتاجيه:

تفاح،عصيان خشب،سكينة قصيرة حادة،ليمون و سلطة فواكه.

التحضير:

- شيلي العناقيد من كل تفاحة

- بسكية صغيرة،قطعي راس التفاحة ست قطعات علي شكل دمعة.

-افصلي ثلث التفاحة الي فوق الي فيه الأشكال من التفاحة.

عشان تعملي شكل الوردة:

- استخدمي سكينة التشكيل عشان تعملي فراغات بين كل شكل من أشكال الدمعة.

- فرغي الجزء الي باقي من التفاحة و حطي فيها سلطة الفواكه.

- اكسري العصيان الخشب للطول المطلوب وحطي الوردة عليها، وحطي العصيان الخشب في فازة التفاح.

 

4- ديك رومي من الكمثري

دي طريقة رائعة لتقديم الفاكهة

الكمثري،العنب،الزبيب والجزر مش بس ليهم فوايد صحية كتيرة،لكن كمان الوانهم جميلة ومبهجة.استخدمي نص كمثري عشان تعملي جسم الديك الرومي،انصاف العنب عشان تشكلي الريش بتاعه وضيفي التوت للتزيين. وأخيرا قطعي الجزر علي شكل الرجلين والمنقار،واستخدمي الزيبيب للعينين. وقدمي عشان تبهري ضيوفك.

5- زهور تيوليب من الطماطم

قدمي لضيوفك زهور ممكن ياكلوها،لطبق ميتنسيش بسرعة

كل الي هتحتاجيه:

- طماطم بلح

-أي نوع جبنة تحبيه

- بصل أخضر.

التحضير:

- قطعي الطماطم علي شكل X،بس متقطعيهاش لحد الاخر

- فرغي قلب الطماطم

- أفتحي الطماطم واحشيها بالجبنة الي بتحبيها.

- اقطعي حتة صغيرة في الطماطم من تحت واعملي ساق الوردة من عيدان البصل الأخضر.

- استخدمي عود صغير من البصل واعملي فيونكة اربطي بيها البوكيه للتقديم.

- لو عاوزة البوكيه يكون بالطول،استبدلي البصل الأخضر بالعصيان الخشبية.