06 فبراير 2020 2412 0  

عندك شيش قديم شيلتيه ومش عارفة تعملي بيه ايه؟مترميهوش واعملي منه ترابيزة جانبية او ستاند للزرع،عن طريق الخطوات البسيطة دي:

كل الي هتحتاجيه:

• - اربع ضلف شيش نفس المقاس
• -  8 براويز كانفاس
• - 16 مسمار
• - لوح زجاج عشان تتحط علي الترابيزة،مقطوعة علشان تناسب تدخل في قلب برواز الخشب
 

الخطوات:

• 1- وقفي كل ضلف الشيش عشان تعملي شكل الترابيزة،الاربع ضلف مع بعض هيعملوت قاعدة مربعة.
• 2- خلي صديقة تساعدك في تثبيت الضلف مع بعض،وقيسي عرض الشيش.
• 3- اشتري 8 براويز من بتوع الكانفاس علي نفس مقاس المربع الي قستيه او اكبر شوية (لو ملقيتيش غير مقاس أكبر شوية مفيش مشكلة،كل الي هيحصل ان الترابيزة من فوق هتبقي خارجة برة الجوانب حاجة بسيطة)
• 4- حطي البراويز مع بعض عشان تشكلي مربعين،واحد لقاعدة الترابيزة،والتاني للترابيزة من فوق.
• 5- حطي البرواز فوق الاربع ضلف.
• 6- اربطي مسمارين(بينهم مسافات متساوية في كل ناحية) بين البرواز والشيش من فوق عشان تثبتيهم في بعض.وكرري نفس العملية في الثلاث جواب الباقية.
• 7-اقلبي الضلف وكرري نفس العملية لقاعدة الترابيزة.
• 8-ادهني البراويز بنفس لون الشيش.
• 9- حطي زجاج سمكه 1\4 انش علي الترابيزة من فوق جوة البرواز.
• 10- خلاص،بقي عندك ترابيزة معاد تدويرها من شيش قديم ومعمولة بايدك