17 مارس 2021 834 0  

عيد الأم هو واحد من الاحلى الايام في السنه لكتير مننا. اليوم ده مش بس عشان نظهر الحب لامهاتنا، لان كل يوم بيكون احلى يوم لانهم معانا. عيد الأم هو اليوم اللي بنقدر في كل حاجه امهاتنا بتعملها علشانا و عشان كده لازم مخرج برا الصندوق في الهدايا اللي بنقدمها لها في اليوم ده, دي أفكار ممكن تساعدك تلاقي الهدية المناسبة لست الحبايب:

 

1. منتجات العناية بالجسم و البشرة: كل أم تستحق انها تدلع نفسها من فترة للتانية, ممكن تشتري لها صندوق في منتجات عناية بالجسم و البشرة عشان تدلع نفسها في اليوم ده و كمان تكون تذكير انها مينفعش تهمل نفسها ابداً.

2. صندوق طوارئ: ممكن تعمليلها صندوق طوارئ تفتحه لما تكون حاسه بأحساس معين, زهقانة, زعلانة, او اي احساس تاني. الصندوق الزهقان يكون جواه مثلا مقرمشات و حلويات تسليها, الصندوق الزعلان يكون جواه ذكريات لطيفة ليكم انتم الاتنين تبسطها لما تكون زعلانه.

3. كتاب وصفات طبخ: أكيد مامتك تعبت من السؤال اللي كلنا حافظينه " عايزين تاكلوا ايه النهارده؟ و الاجابة السخيفة أي حاجه". ممكن تجيبلها كتاب طبخ عشان يساعدها تعرف الأكله الجايه هتكون ايه ببساطة.

4. يوم في السبا: أمهاتنا في ضغط طول الوقت, يوم في الصبا هيكون رائع عشان تريح اعصابها في اليوم ده و تاخد شوية دلع و اهتمام.

5. يوم برا البيت:  قضوا اليوم برا البيت مع بعض و استمتعوا سوا, ممكن تروحوا مكان تلعبوا في زي الملاهي او تروحوا لللكوافير و تعملوا شعركم و بعدين تروحوا تتعشوا في مطعمها المفضل, ممكن كمان تروحوا سنيما و تنبسطوا , المهم تعملوا كل اللي نفسها في اليوم ده.