04 فبراير 2020 3527 1  

لو كنتي بتسافرى باستمرار، تبقي عارفة ان تجهيز الشنط هو تقريبا اسوأ حاجة في السفر.  انسي حاجة وهتقضي بقية السفرية مكتئبة، او خدي حاجات كتير من نفس النوع وهيبقي عنك كومة من الحاجات الي مش محتاجاها وكمان شنط تقيلة، ده غير تكاليف الاوفر ويت المبالغ فيها.

عموما، مفيش داعي تقلقي من الموضوع ده بعد كده، لاننا جبنالك معظم النصايح الاساسية لتجهيز الشنط، عشان نساعدك تخلي عملية تجهيز الشنط سهلة ومترتبة.

1. متطبقيش، لفي :

لف الهدوم احسن بكتير من التطبيق، لان الهدوم الملفومة باحكام بتاخد مساحة اقل من الهدوم المتطبقة، ده غير انها بتحافظ علي الهدوم من كرمشة التطبيق.

2. اعملي قايمة :

القوايم  بتساعدك تفضلي مرتبة، وبتساعدك تاخدي الحاجات الي محتاجاها فعلا و توفر عليكي الزعل علي انك سبتي حاجة مهمة في البيت. ابتدي جهزي القايمة بتاعتك قبل سفرك باسبوع علي الاقل، ده هيديكي فرصة تشتري الحاجات الي ممكن تكوني محتاجاها للسفر.

3. راجعي سياسة شركة الطيران بخصوص الشنط:

عشان تتجنبي دفع تكاليف عن الاوفر ويت، راجعي مع شركة الطيران عدد الشنط المسموح بيها.

4. التزمي بقاعدة السوائل بتاعت شركات الطيران:

عشان تتجنبي مصادرة حاجاتك، لازم تلتزمي بقانون 1. 1.3 الخاص بشركات الطيران وهي ان كل السوائل الي بتتاخد علي الطيارة لازم تبقي 100 مللي او اقل، كمان لازم تتحط جوا شنطة واحدة شفافة.

كمان لازم تعرفي ايه الحاجات الي بتعتبر سائل او جل بالنسبة لادارة امن المواصلات وبالتالي تخضع للقاعدة دي.

مأكولات زي زبدة الفول السوداني ،البودنج، البطاطس المهروسة والايسينج بتتصنف علي انها جل.

اما الماسكارا، الليب جلوس والاسبراي بتعتبر سوائل  او جل، بس خلي بالك ان الادوية السايلة معفاه من القاعدة دي.

حاولي تجيبي عينات من البرفان و منتجات التجميل المفضلة ليكي، ده هيكون اسهل بكتير في السفر.

5. استغلي كل الاماكن الفاضية:

جربي تحطي كل الجزم بتاعتك في شنطة الجزم واملي الفراغات الي بينهم بالشرابات والليجينجز والكولونات الي هتلبسيهم في رحلتك. دة كمان هيساعد في حماية الجزم والهدوم.