07 مارس 2020 2483 0  

وأخيرا خلص الشتا.واخيرا نقدر نقول باي باي للبوتات والجزم المقفولة،وأهلا بالجزم الصيفي.

الجزم الصيفي ممتعة واجازة منعشة من الاستايل الشتويزوكلنا عارفين ان اساس المظهر الملفت بيبتدي بجزمة رائعة

وعشان كدة احنا موجودين عشان نساعدك تبتدي اول خطواتك في الصيف باحدث موضات الجزم.

1. احذية الميول

الجزم الميول بكعب موجودة بكل الالوان والخامات والموديلات الي ممكن تتخيليها الصيف ده جربي تلبسي واحد بألوان حيوية مع جينز للوك متميز.

2. الاسبادريل

الاسبادريل تيمة  اساسية في الصيف، كل سنة بترجع موضته تاني. الصيف ده، الاسبادريل راجع بكل قوته، مع موديلات جديدة كتيرة عشان تختاري منها.

3. الكعب الصغير

طول الكعب الجديد الصيف ده هو الكعب الصغير. موضة معمولة تتلبس كل يوم، وكمان بيليقوا مع كل حاجة من اول الفساتين الصيفي للجيب و الجينز.

4. السلايدز الجديدة

موضة السلايدز الصيف ده جاية بزخرفات كتيرة، من الشراشيب واللالئ واكتر كمان. من البساطة المتطورة للراحة المطلقة. الصنادل دي لازم تكون عندك في الصيف. وبيليقوا علي كل حاجة، الجينز والتي شيرت، الشورت، فساتين الصيف المريحة او حتي الهدوم الفضفاضة .

5. البلاتفورم موضة السبعينيات

صنادل البلاتفورم اثبتوا قوتهم من تاني عشان يفضلوا موضة الصيف ده كمان، وده عشان هما بيدونا الراحة وفي نفس الوقت الطول.السنة دي صنادل البلاتفورم جاية بستايل السبعينيات. ودول ممكن تلبسيهم علي جينز قصير او فضفاض.