06 فبراير 2020 1386 0  

الحصول علي يشرة نضرة و صغيرة هي حلم كل سيدة،التجاعي والخطوط والبقع السوداء هي أكبر كابوس لأي واحدة.ومع اننا منقدرش نهرب من التقدم في السن،احنا ممكن نأجل علامات التقدم في السن علي اد ما نقدر بالماسكات والخلطات المنزلية دي.

معظم السيدات فوق التلاتين بتصرف ثروات علي عمليات التجميل وكريمات محاربة الشيخوخة عشان يحافظوا علي بشرتهم شابة،وغالبا مبنكونش عارفين اذا كانت المستحضرات دي مناسبة لبشرتنا أو مفيدة لينا.لو كنتي زينا بتدوري علي اجابة للتساؤلات دي،يبقي انتي محتاجة تجربي الوصفات الطبيعية دي.

فيه علاجات منزلية كتير ونصايح لمحاربة علامات التقدم في السن من غير ما تدفعي جنيه.

كملي قراءة عشان تعرفي شوية نصايح لماسكات منزلية تحارب علامات التقدم في السن لبشرة نضرة ومشرقة.

العسل

كل الي هتحتاجيه:

معلقة أو اتنين عسل عضوي.

كل الي محتاجة تعمليه:

1- حطي كمية كويسة من العسل علي وشك ورقبتك.ودلكيها لدقيقة او اتنين.

2- سيبيه لمدة 15 ل20 دقيقة واشطفيه بالمياه.

كرري ده كل يوم أو يوم ويوم لبشرة نضرة.

ايه سر العسل:

أفضل طريقة للتعامل مع التقدم في السن هي انك تحصلي علي فوائد انقي عسل نحل.العسل هو أحسن مرطب،وكلنا عارفين ان الترطيب من أهم الخطوات التي بتحارب التجاعيد،ويشرتنا محتاجة تحصل علي ترطيب كويس طول الوقت.ده غير ان العسل بيحتوي علي مضادات الأكسدة والتي بتساعد علي تجديد خلايا البشرة.

 

خلطة البيض

كل الي هتحتاجيه:

- بياض بيضة

- نص ملعقة صغيرة كريمة

- ملعقة صغيرة عصير ليمون.

كل الي محتاجة تعمليه:

1- اخلطي المكونات وحطيها علي وشك.

2- سيبيها 15 دقسقة واشطفي وشك يمياه ساقعة.

 كرري الخلطة دي مرة كل ثلاثة أيام.

ايه سر الخلطة دي

بياض البيض مليان بعوامل محاربة الشيخوخة زي الأوميجا 3،البروتينات والزنك.ومعروف كمان انه بيشد البشرة ويخليها ناعمة ومشدودة.

خلطة البطاطس والجزر:

كل ال هتحتاجيه:

- جزرة صغيرة

- بطاطساية صغيرة.

- رشة كركم

- رشة بيكنج صودا

- مياه

كل الي محتاجة تعمليه:

1- اسلقي الجزر والبطاطس وقطعيهم قطع صغيرة.واهرسيهم لحد ما يبقي خليط  ناعم

2- ضيفي عليهم رشة الكركم والبيكنج صودا، واخلطيهم بالمياه لحد ما يبقي خليط ناعم

3- حطيه علي وشك وسيبيه 20 دقيقة.

4- اشطفي وشك بمياه دافية.

كرري الخلطة دي مرتين في الاسبوع.

ايه سر الخلطة دي:

الجزر مصدر غني لفيتامين أ،الي بيساعد علي تحفيز انتاج الكولاجين في البشرة.والكولاجين بيشد البشرة ويمنع التجاعيد،ودة بيخلي وشك ينور ويفضل شباب.

أما البطاطس فبتعتبر برضه عنصر ممتاز لمحاربة الشيخوخة لانه بيزيل التجاعيد وبيوحد لون البشرة.

 

خلطة الزبادي

كل الي هتحتاجيه:

- ملعقتين زبادي

_ ملعقة عسل

- ملعقة عصير ليمون

- كابسولة فيتامين E

- رشة كركم

كل الي محتاجة تعمليه:

1- اخلطي الزبادي مع العسل والليمون والكركم.

2- اقطعي كبسولة الفيتامين بحرص وحطي الزيت الي جواها علي الخلطة وقلبيها كويس.

3-  حطي الخلطة علي وشك

4- سيبيها 10 ل 15 دقيقة واشطفي وشك بمياه دافئة.

كرري الخلطة دي من مرتين لثلاثة في الاسبوع.

ايه سر الخلطة دي:

الزبادي غني بموانع التجاعيد زي الفيتامينات، المعادن،الانزيمات وكمان الدهون. وده بيخلي البشرة منتعشة ومرطبة.ده غير ان حمض اللاكتيك الموجود في الزبادي بيقلل المسام ويشد اليشرة.

خلطة ماء الورد

كل الي هتحتاجيه:

- ملعقتين صغيرين ماء ورد

- نص ملعقة صغيرة عصير ليمون

- كام نقطة جليسرين

- قطن

 كل الي محتاجة تعمليه:

1- اخلطي المكونات مع بعض.

2- باستخدام القطن،وزعي الخلطة علي وشك .

كررى الخلطة دي كل يوم قبل النوم.

ايه سر الخلطة دي:

ماء الورد بيحتوي علي خصائص بتجدد البشرة،وكمان ليه تأثير مهدئ للبشرة. ده غير انه بيزود الدورة الدموية في الأوعية  و بيقلل عيوب البشرة وكمان بيقلل الانتفاخ تحت العينين.

متغسليش وشك بعد ما تحطي الخلطة دي لأن البشرة هتمتصه بالكامل.

 

خلطة الموز:

كل الي هتحتاجيه:

- موزة صغيرة ناضجة.

- ملعقة صغيرة ماء ورد

- ملعقة صغيرة عسل.

- ملعقة صغيرة زبادي.

كل الي هتحتاجي تعمليه:

1- قطعي الموزة واهرسيها.وحطي عليها العسل  وماء الورد وقلبيه كويس.

2- بعدين ضيفي الزبادي وقلبيه لحد ما يبقي خليط ناعم ومتجانس.

3- حطي الخلطة علي وشك وسيبيها 20 دقيقة.

3- اشطفي وشك بمياه ساقعة.

كرري خلطة الموز دي من مرة لأتنين في الأسبوع.

ايه سر الخلطة دي:

الموز معروف بخصائصه الي بتحارب التجاعيد،لأنه بيحتوي علي فيتامين أ،وفيتامين ب و كمان فيتامينE ، ويعتبر مصدر غني للزنك ،البوتاسيوم والحديد والي مفيد جداً للحفاظ علي بشرة نضرة وصحية.