12 مايو 2020 1830 0  

صباح الخير، هنتكلم انهاردة عن مسلسل سكر زيادة. المسلسل من تأليف أمين جمال وإخراج وائل إحسان.

استنيته كتير عشان اشوف هيعملوا ايه لما يجمعوا تلات قمم من قمم الزمن الجميل: سميحة ايوب ونادية الجندي ونبيلة عبيد، ومعهم الفنانة الجميلة هالة فاخر..

وفي اعتقادي أن المنتج أعتمد علي الشعور ده عند المتفرجين، عشان بعد أربعة ايام من الفرجة طلعت بالنتيجة دي:

التتر جميل جداً مليان بصور الفنانات في شبابهم أيام تألقهم الفني الجميل الللي ميختلفش عليه كتير.. وكأن المخرج بيقول شوفوا كانوا فين و بقوا فين!

وبدأت الحلقات و اتفاجئت بمسخ للنجمات الجميلات .. النص غريب جداً وقديم..

أربعة حلقات بتدور حول ملكية فيلا كبيرة ومين فيهم عايش فيها، كل واحدة فيهم بتدعي ملكيتها.. وحدث ولا حرج عن كمية الصريخ اللي في المسلسل.. ويالهول ما رأيت!

رحم الله الفنانة ليلي مراد.. عارفين ليه؟ عشان لما حست انها كبرت شوية قررت الأعتزال عن الفن للحفاظ علي صورتها الجميلة في نظر الجماهير.

ومش هاقدر اعلق اكتر من كدة عشان انا بحب النجمات الجميلات دول..

و ممكن يشيل لنا المسلسل في حلقاته الجاية مفاجآت ممكن تكون لطيفة .. والي أن نلتقي مع سكر زيادة مرة أخري، الي اللقاء..