04 فبراير 2020 2132 0  

رضيتي او لا، نجاحك مرتبط الي حد ما بمظهرك في الشغل. لو "شكلك" مش احترافي وارد جدا يستخفوا بيكي في الشغل. بالرغم من صعوبة تحديد قواعد لستايلات الهدوم، بالذات و الكاجوال دلوقتي بيتلبس في كل المناسبات، احنا قدرنا نجمع اراء الخبرا في قواعد العمل و الاتيكيت و نستخلص منهم خطوط عريضة تساعدك شغلك يكون مناسب لبيئة العمل:

1: خط الرقبة لازم مينزلش اكتر من 10 سنتي تحت عضمة الرقبة.

2: البلوزات الكات لازم تغطي كتفك. الحمالات مش مبولة في بيئة العمل.

3: لو عندك شك تلبسي انهي جزمة، البسي الكعب.

4: لو هتلبسي جينز، لازم تلبسي معاه بليزر و جزمة اوكسفورد.

5: اتأكدي ان كل الهدوم مكوية كويس.

6: متلبسيش الوان و مطبوعات كتير، لو حاجة مخططة او عليها ورد ده كافي جدا.

7: لو هتلبسي توب فيه نسبة شفافية، اتأكدي انك لابسة تحته اندر شيرت مناسب و يفضل لو لبستي فوقيه بليزر.

8: انسب طول للجوب علي الركبة، لو فوق الركبة بحاجة بسيطة معقول. بس اقصر من كدة مش مناسب ابدا.

9: لو حابة تلبسي بنطلون منقوش او مرسوم، اوزنيه بتوب ابيض حرير او شيفون او ساتان.