19 مارس 2020 1246 0  

زي كل مجال في مجتمعنا، التعليم اتطور جدا في الكام سنة الي فاتوا. التعليم دلوقتي مهتم اكتر بتحفيز الفضول عند التلاميذ وتشجيع رغبتهم في التعلم. اما الطرق التقليدية الي بتعتمد علي شرح المواد في الفصل وكتابة الملاحظات ممكن برضه تفيد في حالات مختلفة.

طرق كتيرة ظهرت نتيجة التغير ده في التعليم وخصوصا  مع استخدام التكنولوجيا في الفصول وده ادي التعليم فرصة جديدة للحياه.

جبنالك شوية من الطرق المشهورة في التعليم الي ظهرت من دمج التكنولوجيا مع التعليم.

1. الفصل المقلوب

طريقة بتعتمد علي عكس عناصر المحاضرات والواجبات... التلاميذ بيتفرجوا علي محتويات دروسهم اون لاين في البيت، ووقت الحصص بيتخصص للمناقشة والتدريبات والمشاريع علي الدروس. الطريقة دي بتشجع التلاميذ علي انهم يعدوا مستوي قدراتهم المعتاد ويمارسوا فضولهم في التعلم.

2. التعليم الذاتي

طريقة مبنية علي تحميل التلاميذ مسئولية تعليمهم بحيث انهم يختاروا ايه الي يحبوا يتعلموه وازاي و ده تحت اشراف المدرسين.

3. استخدام الالعاب في التعليم

طريقة بتستخدم غالبا في الحضانة والابتدائي وهي طريقة مفيدة جدا في تحفيز الطلاب. بتعتمد علي استخدام الالعاب في التعليم، وده بيخلي التلاميذ يتعلموا من غير ما يلاحظوا. والطريقة دي مفيدة في اي سن.

4. التفكير المنظم

طريقة بتشجع التعليم والمشاركة وحل المشاكل. التلميذ بيتشجع علي معرفة التحديات وجمع المعلومات و طرح الحلول الممكنة وكمان تحسين افكاره واختبار الحلول الي وصل ليها..