22 فبراير 326 0  

سنة أولى جواز

عمرك سألتي عن اللي بيحصل بعد كلمة "نهاية سعيدة" في نهايات القصص الخيالية والأفلام الرومانسية؟ النهاردة هنتكلم على الأبعد من النهاية السعيدة وبداية فصل جديد من القصة. ده الوقت اللي نتكلم فيه عن سنة أولى جواز.
وهى معروفة كمان بأنها أصعب سنة في الجواز.
ليه هى صعبة؟ لما العرسان الجدد اتسألوا عن الموضوع، كان في أسباب متنوعة.
المبرر الأساسي هو "الأبد".
مجرد تخيل فكرة أنك تقضي حياتك مع شخص مربكة بالنسبة للطرفين.

بعد كل خلاف، بيفكروا أن حياتهم هتكون عبارة عن سلسلة مستمرة من الخلافات.
كمان التعود على روتين وأسلوب حياة بعض ممكن يكون صعب في البداية.
ممكن تكوني بتحبي تنامي في نور خفيف، لكن هو بيفضل النوم في الضلمة.

وبالتالي، لازم توصلوا لحل وسط.
الأمور المالية ممكن تكون سبب تاني، لأن دلوقتي أنتم الاتنين هتتحملوا تكاليف الحياة مع بعض وهتعملوا جداول بالمرتب والمصاريف، وطبعًا التخطيط للمستقبل.
ولازم تحطي في اعتبارك التغيير من "أنا" ل"إحنا" والمشاركة في القرارات والوقت اللي بتاخدوه في إقناع بعض.

وفوق كل ده أنك بترحبي بأقراب جوزك واعتبارهم عيلتك التانية.
هل الموضوع بيتحسن؟ أكيد، هى مجرد مرحلة وهتقدروا تتجاوزها سوا.
دايمًا افتكري أن التواصل هو المفتاح.
اتكلموا مع بعض عن أي حاجة بتضايقكم.
من الحكمة أنكم تحافظوا على خلافاتكم بينكم ومدخلوش عائلاتكم.
عادةً الخلافات بتكون بسيطة وبالتالي مش محتاجين أن الخلافات تتعقد زيادة.

علشان تسهلوا الفترة دي عليكم، أبدأوا نشاط أو هواية جديدة سوا زي عزف آلة موسيقية أو الطبخ أو لعب الرياضة.
الأنشطة دي هتساعدكم تعيدوا اكتشاف شركائكم وتكتشفوا مساحات اهتمام مشتركة.
كمان حددوا هدف لمستقبلكم و حطوا خطة لكيفية تحقيقه. من المهم أنك باستمرار تفكري نفسك أنكم بتحبوا بعض وأن حبكم هيدعمكم في الفترة دي.

الجواز هو بداية لقصة جديدة وهتكمل بالحب والاحترام والتفاهم.