01 أبريل 2020 3096 0  

كان لازم نستني لحد ما تخلص الهيصة عشان نتكلم جد شوية عن واحد من أهم أحداث السينما: فيلم الجوكر

بعيد عن القصة الي عجبتنا جدا وبرضه معجبتش ناس كتير،الفيلم ده بجد متعة للعين وللسمع.

مخرج الفيلم "تود فيليبس" معروف بسلسلتع الشهيرة من افلام’’The Hangover” مخرج ممتع وبيقدر يجسد الكوميديا بتاعته بنجاح في كل جوانب أفلامه. في فيلم الجوكر، عمل العكس تماماً. قدر يجسدلنا حياة "أرثر" المأساوية في كل جوانب الفيلم. لأختياره للعنوان،أختياره لزوايا الكاميرا وكمان اختياره للموسيقي،كلهم كانوا بيحكواا القصة معاه.

ده غير طبعاً اختياره الأهم، "خواكين فينيكس"،الي كان مذهل! الطريقة الي قدر يعبر بيها عن الشخصية كان بجد استثنائي.في انترفيوهات كتيرة، كان بيقول ان فكرة خروج مشهد الحمام بالطريقة دي كانت فكرته،وده بيدل علي اد ايه هو فنان مبدع.مشهد الحمام ده كان استثنائي.وكان الماسترسين من وجهة نظرنا.لأنها كانت اللحظة الي اعترف فيها "أرثر" لنفسه بأنه فعلا حب قتله للناس دول.ده حرره وحسسه بان عنده مبرر للقتل.و بما ان الموسيقي كانت الجزء من "أرثر" الي مكنش بيعرف يعبر عنه/بقت هي دي الامضاء بتاعت الجوكر.الرقصة دي كانت التحول،كأنه اتخلص من "أرثر" وحب القوة الي اداهاله الجوكر.

الموسيق صورت ده كويس جداُ. هيلدر جونادوتير عبرت عن حالته العقلية تماماً باوتارها.بداية المشهد الي كان بيحاول يجمع نفسه فيه،انعكست حالة التخبط والحيرة فيه بالتشيللو،الأوتار كانت متلخبطة،حايرة،مفيش نغمة كاملة،وبعدها لما اتطور،النغمات بقت أوضح،وبعدها اللحن المشئوم اشتغل فعرفنا بالظبط هو اختار يبقي مين.أختار يبقي الجوكر الي بيديله القوة بدل ما يبقي المهرج الي بيخليه يتعذب.

هيلدر كانت عظيمة.عملت الموسيقي التصويرية قبل الفيلم ما يتصور،وده أصعب 100 مرة من انها تشوف الفيلم بعدين تعمل الموسيقي.

نوصل للنقطة الفاصلة،هل الي حصل ده حقيقي؟ ولا نكتة بايخة من الجوكر؟

للأسف مضطرة أقولكم ان الاحتمالات بتقول ان الي حصل ده مكنش حقيقي.في حاجات كتير منشرة في الفيلم والي بتأكد ان الفيلم كان فلاش باك.زي المشهد الي كان قاعد فيه مع الدكتورة بتاعته وبيطلب منها أدوية أكتر،كان بيقولها انه كان مرتاح أكتر في المصحة وان العالم اتجنن أكتر. ده غير نظرية الساعة الفظيعة الي علي اليوتيوب.وهي ان الساعة متركزة علي وقت معين طول الأحداث الي فيها ساعة.ده غير ان تصريح "تود فيليبس" بأن الضحكة الأخيرة للجوكر كانت ضحكة حقيقية ومش بسبب مرضه.والي بيشير لأنه بيكدب علينا كلنا.كمان،تاريخ شخصية الجوكر مبني علي الاختيارات المتعددة،هو مقتنع باختيارك للماضي،لأنه مبيأثرش في مستقبلك أوي كدة.

عشان كدة،احنا ممكن نكون اتعرضنا لنكتة قاسية ومريضة من نكت الجوكر.