17 مارس 2020 3158 0  

الام هي اول واهم مدرسة في حياه الطفل، حتي لما يدخل اولادك المدرسة، برضه بتكوني جزء اساسي من عملية تعليمهم.

وعشان كده جبنالك نصايح تساعدك انك تدفعي اولادك للنجاح:

1.     كوني مرتبة

البلانر طريقة كويسة عشان تساعدي طفلك يخلي كل الحاجات مترتبة.

خليه يكتب كل حاجة، واجباته، مشاريعه و قوايم بالحاجات الي لازم تتعمل. خلي طفلك يراجع الحاجات الي في القايمة اول واخر كل يوم عشان مينساش اي حاجة.

2.     حددي مكان للمذاكرة

جهزي مكان هادي للمذاكرة للاولاد بعيد عن اي الهاء او مقاطعة. وفري اضاءة كويسة وقاعدة مريحة. ولو عندك اولاد كبار، امنعي الرسايل و المكالمات لحد ما يخلصوا الواجب.

3.     حطي خطة للمذاكرة

اشتري نتيجة حائط وخلي طفلك يحدد مواضيع ومهام لكل يوم لحد الامتحان. وضع اهداف لكل جلسة برضه مفتاح من مفاتيح النجاح.

4.     شجعي اولادك

تشجيع اولادك دايما بيديهم دفعة، قدريهم لو حلوا كويس في الامتحان وشجعيهم انهم يحلوا احسن من كدة لو محلوش كويس اوي. امدحي مجهودهم و عززي تقديرهم لنفسهم.

5.     اظهرى موقف ايجابي عن التعليم

احنا ممكن نساعد اولادنا يكونوا مواقف ايجابية عن المدرسة والتعليم عن طرىق اننا نوريهم اد ايه بنقدر التعليم واد ايه التعليم مفيد في حياتنا وعن طريق تقديم نماذج كويسة. وريهم ان التعليم ممكن يبقي ممتع ومجزي.