04 مارس 2020 2383 0  

من الاخبار الي بنسمعها كل يوم عن الخطف والاغتصاب واختفاء البنات، واضح ان في انخفاض كبير في الامن الشخصي للستات. لحسن الحظ نفس الكنواوجي الي بتساعدك تلاقي محل في مدينك او وصفة اكلة بالليل متأخر، ممكن تساعد في انقاذ حياه.
جبنالك قايمة باحسن تطبيقات الاندرويد الي معمولة عشان امان الستات

 1. تطبيق Vitho :

مين بيكون عندها وقت تطلب رقم الطوارئ وهي في خطر؟ تطبيق Vitho بيخلي البنت اللي في خطر تتخطي طلب الارقام، وبيخليكي تضغطي علي زرار الباور مرتين عشان يبعت رسالة استغاثة لجهات الاتصال. الرسايل بتتبعت كل دقيقتين لاشخاص انتي بنحدديهم، الاشخاص دي بتستقبل رسالة بمكانك الي بيتحدث في كل مرة الرسالة دي بتتبعت.

2.تطبيق Circle of 6 :

تطبيق مفيد بيخليكي تختاري لحد 6 اشخاص من اصحابك المقربين او اهلك، مع رمز بيخليكي تبعتي رسايل بمكانك وتقوليلهم يجوا ياخدوكي، والاحسن من كده، رمز يخليكي تبعتي رسايل للاشخاص دي انهم يتصلوا بيكي لو محتاجة مقاطعة. وفيها كمان معلومات مفيدة عن الامان، والعلاقات واكتر. وده بيخليه تطبيق سهل الاتخدام يخليكي مرتاحة اكتر لو هتسهرى برة.

3. تطبيق watch over me :

تطبيق كمان بيخليكي تختاري دايرة من الاشخاص عشان يتابعوا سلامتك. ممكن تدوسي عل تليفونك او الساعة الذكية ويتصل بالمساعدة في وقتها. افراد دايرة حمايتك هيجيلهم اخطار وهيقدروا يتابعوا مكانك علي الخريطة. وحسب الموقف هيقدروا يكلموكي، او يطلبوا النجدة.
وفي خاصية تانية بتحتاج لاشتراك وهي متابعة الامان المستمرة، التطبيق هيسألك من وقت للتاني اذا كنتي في امان، ولو مردتيش التطبيق هيرسل انذار لدايرة حمايتك، الخاصية دي مفيدة لو كنتي بتتمشي للبيت فى وقت متاخر او بتزورى اماكن جديدة.

4.تطبيق sentinel security :

زي كل التطبيقات الي فاتوا، التطبيق ده بيخليكي تبعتي انذار للاشخاص الي بتحدديهم لو احتاجتي. بس الخاصية الزيادة الي بتميز التطبيق ده هي انه بيشتغل حتي لو مفيش انترنت او شبكة وده ممكن ينقذ حياة.

5. تطبيق scream alarm :

تطبيق مجاني بسيط بتدوسي فيه علي زرار بيخليه يصرخ بصوت نسائي، وده طبعا هيلفت انتباه الناس. بس خلي بالك ومتدوسيش علي زرار الصريخ بالغلط وانتي برة البيت...