02 أبريل 2020 3336 0  

الفضة بتعتبر اختيار رائع لو بتدوري علي الأكسسورارت الراقية لأنها صمدت أمام الزمن وفضلت محافظةة علي قيمتها وشعبيتها.

عاوزة تشتري قطعة أكسسوار فضة ومش عارفة ايه اللي ماشي مع الموضة،أو عاوزة تتأكدي انك بتشتري حاجة هتقدري تلبسيها في كل الأوقات، جبنالك قايمة من موضات الفضة الي مبتقدمش أبداً.

1.سلاسل الفضة:

باعتبارها الموضة الأكثر شيوعا في الأكسسوار عامة، سلاسل الفضة كانت دايماً أكثر انواع الأكسسوار الفضة خلوداً، السلسلة الفضة الي فيها دلاية بتعبر عن شخصيتك عمرها ما بتقدم، ده غير انها بتبرز الطقم بتاعك وتلفت الانظار له.ده غير انها مناسبة لاننا نلبسها كل يوم. سواء هتجيبها هدية أو هتجيبيها لنفسك،سلاسل الفضة دايماً هتكون موضة.

2.الفضة والكريستال:

مفيش زي الخلط بين الفضة والكريستال. الفضة والكريستال غالباً بيجتمعوا في قطع الأكسسوار الفضة لأن العنصرين دول مع بعض بيدوا ضي لامع وبينوروا قطعة الأكسسوار وبيجذبوا الانتباه  للي لابساهم، وده بيخلي الستات ترجع للموضة دي دايماً

3.دبل الجواز:

الجدل بين اختيار دبل الجواز من الذهب ولا الفضة جدل مبيخلصش،لأن شعبية دبل الزواج الذهب والفضة تقريباً متساوية، مع اتجاه بعض الستات لأختيار دبلة الجواز من الفضة .

الفضة بتعتبر اختيار مودرن أكتر لما بيتعلق الموضوع بدبل الجواز،والذهب بيفضل الأختيار التقليدي لأجيال وأجيال من الستات والرجالة.

في كل الأحوال،دبل الجواز الفضة من الموضات المستمرة واللي مبتقدمش، لأن معدن الفضة اللامع شكله بيكون حلو علي جميع أنواع البشرة،وجاذبية الفضة الدايمة بتضمن انه يكون دايماً أختيار كويس لدبل الجواز.

4.الأنسيالات الفضة:

أنسيالات الفضة دايمًا علي الموضة،سواء كانت ضخمة وزحمة أو رقيقة ورفيعة، مشغولة بتصميمات جميلة أو مجرد أكسسوار رقيق.

أنسيالات الفضة ممكن تتلبس مع أنسيالات تانية لمظهر جرئ أو لوحدها لمظهر رقيق وبسيط.،من الصعب أوي انك تلاقي أنسيال فضة شكله مش حلو.

أنسيالات الفضة بتتميز ببساطتها و جمابها وشياكتها وفي نفس الوقت دقة صنعها و جودتها.

وفي اي شكل وبأي حجم،أنسيالات الفضة موضة عمرها ما بتقدم.

5. الحلقان المدورة:

مع أن الحلقان المدورة الكبيرة موضتها بتروح وتيجي،الا ان الحلق المدور البسيط والتقليدي موضته مبتنتهيش ابداً.

بحلق فضة مدور صغير  أو متوسط ،تقدري تكملي أي طقم وتخلي شكله انيق، أحسن، وأرقي.

الحلقان الفضة المدورة أختيار شائع للبس الشغل والالتزامات الاجتماعية. مع انها بسيطة الا انها بتعبر كتير عن شخصيتك الراقية. أشتري حلق فضة مدور وهتفضلي تلبسيه مرة بعد مرة،في كل المناسبات المختلفة.