21 ديسمبر 2019 2085 0  

نظرة علي الجانب الآخر من الحكاية

ما أعرفه بالتأكيد هو كتاب لأوبرا وينفري،اتنشر لأول مرة في سبتمبر 2014 واترشح لجايزة أودي (كتاب السنة ل 2015)

الكتاب مكون من مقالات اتنشرت قبل كدة في مجلات "O" و "اوبرا" علي مدار 14 سنة، يعني الكتاب يعتبر كنز بالنسبة للفانز والفولورز بتوع أوبرا.الكتاب متوفر بغلاف سميك،و ككتاب اليكتروني وكمان ككتاب صوتي،ودة للناس الي مش بتحب القراية اوي J

غلاف الكتاب متواضع إلى حد كبير ، والكتاب عبارة عن كتاب من القماش المربوط،والفاصل عباة عن شريطة،وده الي بيديه احساس بالرقي والغلاوة.

الكتاب متقسم ل 8  عناصر ،الفرح ،المرونة‘ التواصل، الامتنان ، الإمكانية ، الرهبة ،الوضوح

 والقوة.  ودول الي بيمثلوا  رحلة أوبرا لايجاد النفس،وازاي لقت هدفها في الحياة وهدف وجودها علي الأرض،وطبعا رحلة ايجاد سلامها النفسي مع الكون.

الطريق الوحيد  لانك تلاقي نفسك بناء علي كلام أوبرا هو انك تسمعي روحك،تهتمي بيها وتخليها الأوليوية الاولي في حياتك.بطلي تبقي عاوزة تسعدي الناس وتبهريهم وكوني مقبولة وسطهم. وابتدي تبقي عاوزة تسعدي نفسك وتبهريها وتقبليها. وبالرغم من الناس ممكن تشوف الفكرة دي أنانية ،الا انه في الحقيقة،هي دي الطريقة الوحيدة الي هتخليكي تقدري تساعدي الناس الي حواليكي،وبالتالي العالم كله.

اللي حبيته في الكتاب ده انه بيدينا وجهة نظر مختلفة،بيورينا الناحية التانية من الحكاية،الناحية الي أنتي بس الي بتسيطري علي كل حاجة في حياتك.كله بايدك انتي،مفيش حد أث عليكي أو خلاكي تاخدي القرارات الي أخدتيها. ومجرد معرفة الحقيقة دي بيغير كل حاجة،لانه لو كنتي انتي بس المتحكمة في حياتك،يبقي ممكن تتغيري.

كمان حبيت الطريقة الي المقالات دي كانت مكتوبة بيها،الحميمية والالفة والاسلوب المتواضع الي بيدلك علي الطريق بانها تفضفض معاكي وتديكي الحكمة الي وصلتلها بتجاربها ومع ذلك من غير ما تقولك اعملي ده ومتعمليش ده او بالتقليل من مشاكلك.كأنها بتقولك ان كلنا مرتبطين ببعض وكلنا بنمر بنفس الاحاسيس حتي لو مفيش حاجة بتربطنا ببعض.

وانا بقرا الكتاب ده حسيت اني قاعدة مع واحدة صاحبتي او واحدة من قرايبي،بنشرب قهوة وانا بشتكيلها من الحاجات الي مضايقاني وهي بتقولي انه ده كمان هيعدي ونضحك عليه، وان كل خاجة ممكن تتغير لو بس بصيتلها من منظور مختلف.

 "انا متأكدة من ان : رحلتك بتبتدي بانك تقرري تقومي،تخرجي من عزلتك وتقرري ان تعيشي الحياة بكل ما فيها" أوبرا وينفري..